Estee Lauder و Chanel مكياج يديد

مساكم أنوار

البارحه كنت بالمرينا و مريت وجوه أبا أشوف اليديد و آخذ ماسكره يديده

المهم دخلت الستور و كان في النص ستاند شانيل... بصراحه تدوخني هـ الماركه

و طاحت عيني على آيشدو خطير إسمه تريس Tarce

مكتوب عـ العلبه سوفت آيشدو، و هو فعلا سوووووفت... الأبليكيشن وايد سوفت، مره وحده بالفرشاه تغطي الجفن كله

عكس أغلب آيشدوات شانيل الخفيفه

رهيب للسهرات، فيه لمعه ذهبيه حلوه... و ينفع صباحي تحت العين.. الأسعار بـ الدرهم بكتبها بآخر البوست

 الشي الثاني إللي شدني في ستاند شانيل هو منتج اشتريته على إنه آيشدو!!!!!! تخيلوا!!! و طلع شي ثاني!!!

و الستاف يقولي إنه آيشدو!!! و أنا ما ركزت عـ العلبه و المكتوب عليها!!!

و هذا أكبر خطأ طحت فيه البارحه!!المفروض قبل لا أقرر إني بشتري الشي أشوفه و أقراه و أقرا طريقه استخدامه!!

إني وييييز... هالمنتج طلع رهيب و للبروفشنال يووز ... عيبني وايد...

هو شرات الكيك آيلاينر... أسمه Eyeliner Duo Compact

و طريقه الإستخدام هيه إنج تبلين الفرشاه إللي تي مع العلبه بالماي و تخلطين عدل فوق اللون إللي عايبنّج و ترسمين به عادي شرات الآيلاينر...

و الحلو بعد إنه الفرشاه الثانيه إللي معاه عباره عن سمدجر smudger brush

ممكن تموهين الايلاينر و يطلع سموكي على خط الرموش...خطير... خصوصا إنه لونين واحد أسود ماااات و الثاني جليترررر...

المنتج الثالث إللي اشتريته هو شادو باليت من إستيه لودر.. ألوااان رهييبه برونزيه صيفيه.. إللي تبينه موجود فيها

إسمها Bronze Sands CYBER METALLIC

أخليكم مع الصور...

ملاحظه: عشان أكون صادقه وياكن... الباليت كلها هايلي بيقمنتد highly pigmented إلا للون الأزرق.. اللون شوي فاتح...

و مكتوب في ظهر العلبه إننه ممكن تستخدمين الباليت بلفرشاه الجافه أ بالماي!! أتوقع الأزرق بيبان إذا حطيته بالماي... wet application...

*

*

*

*

*

منتج ندمت إني خذته!!! ماسكره إستي لودر!!! ما اتشاهد.... و شوفو الرزلت فوق بالصوره !! كيف الرموش متجمعه !!!

إسمها Zero Smudge Lengthening Macara

و الماسكره الثانيه من شانيل بعد ما عيبتني وايد.. بس سواادها روعه... Its super darkkkk black mascara

حليييوه.. بس لونها فضيع... حلو تحطينها بعد أحلى ماسكرا عندج بس عشان تعطيج لو أسود... إسمها Inimitable Macara

الأسعار كـ الآتي

آيشدو تريس من شانيل بـ ١٤٩ درهم

كيك آيلاينر من شانيل بـ ٢٠٩ درهم

آيشدو باليت من إستيه لودر بـ ٢٦١ درهم

ماسكرا إستيه لودر بـ ١٣٢ درهم

ماسكرا شانيل بـ ١٦٢ درهم

:::: Like if you liked it :::: Share it if you enjoyed it ::::

DIY nail art tutorial

صبــــــاح الخيـــــــر 

البارحه كنت يالسه في الأوفيس و قلت خلني أسوي درس عن فن الرسم أو تزيين الأظافر!!

Nail Art Tutorial

طبعا مثل ما انتوا عارفين النيل آرت على حسب الديزاين ... يصلح للمسا أو للصباح 

درسنا اليوم عن نيل آرت يصلح للسهرات!! خصوصا للي لابسه فستان أبيض! رمادي! سكري!

بنحتاج لـــــ

• مزيل طلاء الأظافر
• قطن دائري
• كرستالات بأحجام مختلفه
• جليتر
• عود خشب لتركيب الكرستالات
• صمغ الأظافر
• و طبعا ما يستوي الإبداع إلا بشاي الكرك إللي يفر المخ و يقنده

و بسم الله نبدأ

نصبغ الظفر باللون الفوشي أو أي لون حابينه

طبعا ما ننسا أول شي الطبقة الحامية للظفر و بعدين طبقتين من اللون

ثانيا

نحط آخر طبقه شفافه لـحمايه اللون و تساعدنا في تركيب الكرستالات...

، قبل ما تنشف نركب عليها الكرستالات

في هالدرس أنا إستخدمت الـsquare studs

و طبعا ركّبتها بشكل طولي على الظفر و النتيجه طلعت كالآتي

إذا عجبكم الدرس لا تنسوون تسوون لايك.. و share it plzz with others

Double Lash & Brow تجربتي مع مستحضر

يقول الشيخ محمد بن راشد آل مكتوم

يا مورّد الخــــد ما غـــذّاه مكياجــه

أحرجت من حط فوق الخد مكياجي

.

.

.

.

عاد و لين يقول الشاعر

.

.

عينٍ كحلهـــا طبيعي غيــر محتاجه

و عين إللي دايم التكحيل تحتاجي

.

.

.

من أحلى القصايد عندي

و يقول بو بكر سالم 

العين لو لا الرموش/// جمالها مخدوش

يعني هدفنا كلنا جمال طبيعي قدر الإمكان بدون الحاجه للإكستشن و الرموش الصناعيه  و غيره

فــــ   بما إني أحب أشارككم آخر أخبار الجمال و الأناقه

حبيت أشارككم تجربتي لهالمنتج إللي حابه أوفره لكم ضمن قائمة مبيعات Nails & More

طبعا إللي يتابعوني ع تويتر@nails_andmore و إنستقرام (@nailsandmoread) بيعرفون إني بلشت بالمنتج من يوم الثلاثاء إللي فات

و صورت لكم العين بدون أي شي لا ماسكرا و لا غيره

عشان أشوف و تشوفون الفرق بعد شهرين أو ٦ أسابيع!!

في العلبه يكون فيه تيوب صغير من المستحضر 

و فرشاه صغيره

طريقه الإستخدام مكتوبه ع العلبه

بس عني أنا، أحطه بطرف إصبعي الصغير و أوزعه علي الرموش و أنا مغمضه

و طبعا ما ننسى الحواجب... نحط عليها بعد

و طبعا تكون هاي آخر خطوه أسويها قبل النوم، و sweet dreams

ثاني يوم يمكن يكون فيه بقايا، بس مع المسوح و تغسيل الويه يروح

و تستمرين في استخدامه لمده ٦ أسابيع.. 

كل إسبوعين بحط صوره و بنشوف الفرق ويا بعض

stay tuned

تجربتي في محل لش Lush Store Experience

من أحلى المحلات عندي حاليا

مادري شفيني معلقه عليه!!!

بس صدق بمجرد ما تدخلين المحل, الريحة تشل و تحط .. ريحة أشياء فريش و ريحة نظافه .. من تدخلين محل “لش” اييج احساس غريب إنج تبين تجربين كل شي عندهم...

بصراحه المحل رائع 

و الشوبينغ فيه أروع

و اللي أحلى من هذا كله الستاف إللي عندهم 

وايد فرندلي و يبون يساعدونج 

نوع الستاف وايد حبوبين مش من النوع اللي يدزون بالويه و يغصبونج تشترين أشياء ما تبينها!!!نفس بعض المحال الله يسامحهم... يرحبون فيج و يسألونج لو تبين مساعده.. و أذا ما تبين يخلونج ع راحتج!!! هذا أحلى شي فيهم...

المهم، بعطيكم نبذه بسيطه عن المحل

بالمختصر، الأشياء اللي تنباع في المحل هي صنع منزلي و من منتجات عضويه طازجه

و عندهم رينج كبير من مستحضرات العناية و التجميل منها

•  أملاح و زيوت المغطس "الباث بومبز"
• شاور جل
• مستحضرات العنايه بالشعر “منها الشامبو الصلب” solid shampoo أول مره أشوف نفسه.. شرات الصابونه العاديه بس هو شامبو للشعر...
• مستحضرات العنايه بالوجه و الشفايف
• مستحضرات العناية بالجسم نفس المقشرات و الكريمات و غيره
• الهدايا “ هداياهم تجننن”

أول ما دخلت المحل كنت متردده أشتري.. أول شي لأني ما أشتري أي شي بدون تخطيط مسبق و ما كنت مخططه ذاك اليوم... و ثاني شي لأن بشرتي جدا جدا حساسه

و أخاف أجرب أشياء يديده عليها... 

ع العموم من دخلت المحل و أنا أسأل و أسأل و أشمشم و أجرب و قعدت فيه يمكن ساعه إلا ربع

و طلعت بمشتريات روعه

أول مستحضر هو rub rub rub

عبارة عن سكرب/ سنفره للجسم

ريحته على ليمون شوي

تفركين به جسمج و هو مبلول لين ينشف البرودكت على بشرتج و إنتي تفركين

يعطيج بشره مخمليه رااائعه

و اشتريت Ro’s Argan Body Conditioner

أول مره ياني هديه من اختي، و خلص و اشتريته مره ثانيه

يرطب البشره و إنتي بعدج في الشاور، اسمه بدي كونديشنر نفس الهير كونديشنر يخلي الجسم سوووفت 

حلو تحطينه بعد السكراب و كآخر خطوه في الحمام 

توزعينه على كامل الجسم و تشطفينه بالماي

و عادي لفي الفوده عليج و شوفي كيف البشره بتكون... نعومه مش طبيعيه

ريحته وااايد يمي و لذيذه

و البرودكت إللي صدق كنت متحمسه آخذه هو الباث بومبز

خذت ثلاث أنواع

الأول إسمه مغري ههههههه

sex bomb

وايد حلوه هالبومب<< تخلي البانيو لونه وري ع بنفسجي و الريحة تفووووووح من الحمام للغرفه

بصراحه حبيتها

الطريه هيه إنج تترسين البانيو ماي و عقب تعقين فيه هالكوره و تبتدي تفور شرات الفوار فيتامين سي...

وااااايد كيوت الشكل يكون... ف يالنهايه تطفو ورده للزينه

بصراحه استمتعت باستخدامها وشكلي برد أشتري هالنوع

هذا فيديو يبين لكم كيف الباث بومب يكون في البانيو

الثانيه إسمها روز كوين

Rose Queen

بعدني ما جربتها بس ريحتها خباااااال

الثالثه إسمها Dragon’s Egg

و الرااااابعه شكله وايد كيوت

قلب و فيها ورد روز صغاار مجفف

إسمها Tisty Tosty

 المستحضر الأخير إللي خذته هو مقشر الشفايف

إسمه   Bubblegum lip scrub 

 جربته ! و هو مقشر رائع بس بصراااحه ندمت إني خذته! تمنيت إني خذت المقشر اللي بنكهة النعناع 

كان أحسن بألف مره

لأني ما أحب روائح الفروتي السويييت زياده ع اللزوم! أحب الورود و المستخلصات النباتيه أكثر

فالمرة الثانيه باخذ المقشر إللي إسمه

Mint Julip Lip Scrub

خبر حلو لبنات العاصمهبيفتحون فرعهم في الوحده مول عن قريبيعني ما يحتاي ندق لي دبي عشانه مثل ما كنت أسوي

لا تنسون لايك إذا عجبكم الموضوع و لكم مني أحلى تحيه