بس صدق بمجرد ما تدخلين المحل, الريحة تشل و تحط .. ريحة أشياء فريش و ريحة نظافه .. من تدخلين محل “لش” اييج احساس غريب إنج تبين تجربين كل شي عندهم...
بصراحه المحل رائع
و الشوبينغ فيه أروع
و اللي أحلى من هذا كله الستاف إللي عندهم
وايد فرندلي و يبون يساعدونج
نوع الستاف وايد حبوبين مش من النوع اللي يدزون بالويه و يغصبونج تشترين أشياء ما تبينها!!!نفس بعض المحال الله يسامحهم... يرحبون فيج و يسألونج لو تبين مساعده.. و أذا ما تبين يخلونج ع راحتج!!! هذا أحلى شي فيهم...
المهم، بعطيكم نبذه بسيطه عن المحل
بالمختصر، الأشياء اللي تنباع في المحل هي صنع منزلي و من منتجات عضويه طازجه
و عندهم رينج كبير من مستحضرات العناية و التجميل منها
أملاح و زيوت المغطس "الباث بومبز"
شاور جل
مستحضرات العنايه بالشعر “منها الشامبو الصلب” solid shampoo أول مره أشوف نفسه.. شرات الصابونه العاديه بس هو شامبو للشعر...
مستحضرات العنايه بالوجه و الشفايف
مستحضرات العناية بالجسم نفس المقشرات و الكريمات و غيره
الهدايا “ هداياهم تجننن”
أول ما دخلت المحل كنت متردده أشتري.. أول شي لأني ما أشتري أي شي بدون تخطيط مسبق و ما كنت مخططه ذاك اليوم... و ثاني شي لأن بشرتي جدا جدا حساسه
و أخاف أجرب أشياء يديده عليها...
ع العموم من دخلت المحل و أنا أسأل و أسأل و أشمشم و أجرب و قعدت فيه يمكن ساعه إلا ربع
و طلعت بمشتريات روعه
أول مستحضر هو rub rub rub
عبارة عن سكرب/ سنفره للجسم
ريحته على ليمون شوي
تفركين به جسمج و هو مبلول لين ينشف البرودكت على بشرتج و إنتي تفركين
يعطيج بشره مخمليه رااائعه
و اشتريت Ro’s Argan Body Conditioner
أول مره ياني هديه من اختي، و خلص و اشتريته مره ثانيه
يرطب البشره و إنتي بعدج في الشاور، اسمه بدي كونديشنر نفس الهير كونديشنر يخلي الجسم سوووفت
حلو تحطينه بعد السكراب و كآخر خطوه في الحمام
توزعينه على كامل الجسم و تشطفينه بالماي
و عادي لفي الفوده عليج و شوفي كيف البشره بتكون... نعومه مش طبيعيه
ريحته وااايد يمي و لذيذه
و البرودكت إللي صدق كنت متحمسه آخذه هو الباث بومبز
خذت ثلاث أنواع
الأول إسمه مغري ههههههه
sex bomb
وايد حلوه هالبومب<< تخلي البانيو لونه وري ع بنفسجي و الريحة تفووووووح من الحمام للغرفه
بصراحه حبيتها
الطريه هيه إنج تترسين البانيو ماي و عقب تعقين فيه هالكوره و تبتدي تفور شرات الفوار فيتامين سي...
وااااايد كيوت الشكل يكون... ف يالنهايه تطفو ورده للزينه
بصراحه استمتعت باستخدامها وشكلي برد أشتري هالنوع
هذا فيديو يبين لكم كيف الباث بومب يكون في البانيو
الثانيه إسمها روز كوين
Rose Queen
بعدني ما جربتها بس ريحتها خباااااال
الثالثه إسمها Dragon’sEgg
و الرااااابعه شكله وايد كيوت
قلب و فيها ورد روز صغاار مجفف
إسمها Tisty Tosty
المستحضر الأخير إللي خذته هو مقشر الشفايف
إسمه Bubblegum lip scrub
جربته ! و هو مقشر رائع بس بصراااحه ندمت إني خذته! تمنيت إني خذت المقشر اللي بنكهة النعناع
كان أحسن بألف مره
لأني ما أحب روائح الفروتي السويييت زياده ع اللزوم! أحب الورود و المستخلصات النباتيه أكثر
فالمرة الثانيه باخذ المقشر إللي إسمه
Mint Julip Lip Scrub
خبر حلو لبنات العاصمهبيفتحون فرعهم في الوحده مول عن قريبيعني ما يحتاي ندق لي دبي عشانه مثل ما كنت أسوي
لا تنسون لايك إذا عجبكم الموضوع و لكم مني أحلى تحيه
قبل لا نبتدي في وصف حواجب HD ، حبيت أشارككم هالكولاج الحلو إللي يبين لنا رحلة الزمن على شكل الحواجب المفضل لدى السيدات..
خل نشوف وياكم ...
و مشكورة راعية الكولاج femmeonamission على مجهودها في تجميع الصور...
عندنا في الإمارات و الخليج... الموضه حاليا الحواجب العريضه و البولد...
شخصيا أنا أفضلها.. أحس إنها تبرز ملامح الويه و تعطيه صغر في السن...
في ٢٠١٠ طلعت موضه HDEyebrows ... و السنة هاذي صار عليها تغطية إعلاميه أكبر
عالعموم... في هالبوست أنا قلت نشرح لكم شو هي الـــ HDEyebrows
صرعه جديدة في عالم الجمال و من وجهة نظري هي مسمى جديد فقط لا غير بس الطريقة كانت و لا زالت دارجة في أغلب الصالونات و دور التجميل . التغيير فقط هو المسمى
ف بدل لا يسمونه صبغ الحواجب سموه حواجب HD,
و عشان نشرح لكم الطريقه حطيت لكم مقطع للفيديو
لأن الطريقة تكون من ٧ خطوات أساسية
تقوم الخبيرة بتصميم رسمة الحاجب بالقلم
تصبغ الحاجب بناء على الرسمه اللي صممتها بالقلم
تنظف الحاجب باستخدام بالشمع + الخيط+ الملقط
تقوم بعبئة الحاجب بالقلم أو بودرة الحواجب
في نيلز آند مور، راح نوفر هالخدمة لكم في البيت مع خبيرتنا المدربة على يدي :)
و هنيه جربت وياها رسمة الحاجب المعتمدة لي حاليا و هي التشاينيز و هاي النتيجه النهائية للشغل ..
بليز بنات الصور الموجودة ملكية خاصه لـ نيلز آند مور و صاحبته
أنا من محبين العطور الثقيله و اللي تتميز بفخامة النفحة، عطورات دار شانيل من أحب العطورات لي..
في فترات مختلفه من حياتي استخدمت شانيل شانس، كوكو شانيل، كوكو مادموزيل، نمبر فايف، نمبر ناينتين، ألور، و كريستال..
Coco Chanel
Jacques Polge
في سنة ١٩٨٤، ركّب خبير العطور جاك بولج أول عطر لشانيل من سلسلة "كوكو" و أطلقت عليه الدار إسم “كوكو” على الآنسه جابريل شانيل التي كانت تلقب ب "كوكو"، مصممة الدار..
يتميز هذا العطر برائحة قوية ارستقراطية التأثير، شخصيا من أحب و أغلى عطور شانيل إلى قلبي، عشت طفولتي أشمه في حضن أمي، و تعلقته بشكل كبير، و لمن تزوجت كان عطري في يوم الفرح، و استمريت في استخدامه.. و إلى اليوم أصنفه عطري الشتوي الأول و بدون منافس.
في عام ٢٠٠٠ نزل ثاني عطر من سلسله "كوكو" و أطلقوا عليه إسم “مادموزيل” و وانتشر بشكل كبير بين البنات، في ذيك السنة أتذكر الكل ريحته كانت كوكو مادموزيل، شخصيا ما اشتريته وقتها، بس كنت أشمه على صديقاتي و بنات العايله، مادموزيل من العطور إللي تبطي ريحته في المكان و الملابس، و ما تروح ريحته بسهوله من اللملابس أو المكان أو الجسم...
في شهر هذا الشهر "أغسطس" أطلقت دار شانيل عطرها الثالث من سلسلة كوكو و سمته “نوار” أي “أسود” و هو عطر يجمع ما بين نعومة مادموزيل و قوة كوكو، و هو نوعا ما عطر شتوي مسائي، شخصيا راح آخذه عالشتوية، لأن حاليا و مع حرارة الصيف ما تنفع هالعطور القوية... إلا إذا كنتي طالعه سهره فهذا العطر الأنسب للسهرات..
في الإمارات، بتحصلونه في معظم محلات الجمال و العطور و المحلات الكبيرة مثل: وجوه- باريس غاليري- سيفورا- بلوميز- غاليريز لافاييت- هارفي نيكولز و غيرهم كثير...
الزجاجه نزلت بحجمين
الحجم الكبير ١٠٠ مل ـــــــ٧٢٧ درهم
الحجم الصغير ٥٠ مل ــــــ ٥٠٦درهم
نصيحهلمن تشترين هالعطر و أي عطر ثاني، دايما خذي الحجمين، الكبير و الصغير، لأن الكبير بيتم ع (التسريحه- تواليت-دريسر) اللي تسمونه و الصغير على طول في الشنطة..
